21 : 42 21 noyabr
   
Siyasət

Fələstin İsrailin qoyduğu şərtləri RƏDD ETDİ

2017-10-18 15:00 Baxılıb:   12

Fələstin İsrailin yenidən sülh danışıqları aparmaq üçün təklif etdiyi şərtləri qəbul etməyib.

Milletinsesi.az xəbər verir ki, bu barədə Fələstin Prezidentinin sözçüsü Nəbil Əbu Rədinə məlumat verib.

Beynəlxalq toplumun Fələstin rəhbərliyinin Qəzzaya qayıtmasından məmnun olduğuna diqqət çəkən Əbu Rədinə ölkəsinin İsrail qarşısında əyilməyəcəyini deyib:

“Misirin nəzarəti ilə Qahirədə əldə edilən razılaşma doğru istiqamətdə gedir. İsrailin hər hansı bir düşüncəsi Fələstinin bu müddətdə davam etdirəcəyi rəsmi siyasətini dəyişdirməyəcək. "Həmas" ilə "Fətih" arasında razılaşma Fələstin üçün böyük bir qazancdır”.

Qeyd edək ki, İsrail hökuməti Fələstin rəhbərliyi ilə yenidən sülh görüşmələrinə başlamaq üçün "Həmas"ın silahsızlaşdırılması da daxil olmaqla, 7 ön şərt önə sürmüşdü. Şərtlərə "Həmas"ın İsraili tanıması, terrora son verməsi, "Həmas"ın əlindəki israilli əsgərlərin cəsədlərinin və əsrilərin geri verilməsi, Fələstin rəhbərliyinin Qəzzada təhlükəsizliyi və sərhəd qapılarını nəzarəti altına alaraq qaçaqçılığı önləməsi, "Həmas"ın İranla olan münasibətlərinə son verilməsi kimi maddələr daxil edilmişdi.

Bənzər xəbərlər