05 : 47 17 oktyabr
   
Siyasət

Frank-Valter Ştaynmayer İlham Əliyevə məktub göndərdi

2018-05-24 17:19 Baxılıb:   168

Azərbaycan Respublikasının PrezidentiZati-aliləri cənab İlham Əliyevə

Cənab Prezident.

Mayın 28-də qeyd edilən Respublika Günü münasibətilə Sizi və Sizin vətəndaşlarınızı öz adımdan və həmvətənlərim adından səmimi qəlbdən təbrik edirəm.

Biz ötən il Azərbaycan və Almaniya arasında diplomatik münasibətlərin qurulmasının 25-ci ildönümünü qeyd etdik. Həmçinin 2018-ci ildə də biz əlamətdar bir ildönümünü qeyd edirik: 200 il əvvəl ilk alman mühacirləri Azərbaycana gəlmişlər.

Bu da ölkələrimizi birləşdirən dərin köklərin olmasının sübutudur.

Almaniya gələcəkdə də Azərbaycan ilə dostluq bağlarını gücləndirməyə və əməkdaşlığımızı intensivləşdirməyə səy göstərəcəkdir.

Birgə iqtisadi maraqlarımızla yanaşı, biz xüsusilə energetika sahəsində siyasi dialoqu inkişaf etdirmək və mədəni əməkdaşlığı genişləndirmək istəyirik.

Biz Avropa İttifaqı ilə ölkəniz arasında əlaqələri yeni sazişə əsaslanan müstəvi üzərində qurmaq istəyirik.

Avropa Şurasında və ATƏT-də əməkdaşlığımızı davam etdirməyimiz arzuolunandır.

Mən Sizə xoş arzularımı çatdırır, Azərbaycan xalqına sülh, əmin-amanlıq və rifah diləyirəm.

 

Frank-Valter Ştaynmayer

Almaniya Federativ Respublikasının Prezidenti

Bənzər xəbərlər