17 : 45 14 dekabr
   
Flaş

Rəfail Mehralıyev və müavini Qüdrət Şükürovun aqibətini yaşayacaq?- Hər iki məmur yeni başçının hədəfində

1543826159_rafailmehraliyev
2018-12-03 14:35 Baxılıb:   14

Bakı Şəhər İcra Hakimiyyəti başçısının dəyişməsi bu qurumda yüksək vəzifə tutan iki nəfərlə bağlı müəmmalı vəziyyətin yaranmasına səbəb olub. Bunlar BŞİH Mənzil-Kommunal Təsərrüfatı Departamentinin (MKTD) sədri Rəfail Mehralıyev və onun müavini Vidadi Əliyevdir. AFN xəbər verir ki, artıq bu iki şəxsin vəzifədən alınacağı, hətta haqlarında cinayət işinin açılacağı ilə bağlı məlumatlar yayılmağa başlayıb. Belə ki, BŞİH-ə rəhbər gətirilən Eldar Əzizovun ilk olaraq Bakı Lift-Təmir İstehsalat Birliyinin rəisi Qüdrət Şükürovu vəzifədən alması, hətta onunla bağlı Respublika Prokurorluğunda cinayət işinin açılması digər məmurlar üçün bir siqnaldır. O cümlədən də MKTD rəhbərliyində təmsil olunan R.Mehrəliyev və V.Əliyevin hədəfdə olduğu bildirilir.


Xatırladaq ki, bir müddət əvvəl R.Mehralıyevin adı ölkədən milyonlarla vəsait çıxaran məmur kimi hallanırdı. Onun Azərbaycandan çıxardığı milyonlarla Çexiyada özünə hotel biznesi qurması müzakirə mövzusu idi. Bildirilirdi ki, departament müdirinin Çexiyadakı biznesinə qardaşı Mübariz Mehrəliyev rəhbərlik edir. “Departament rəhbəri və qardaşının Çexiyadakı biznesi təkcə otelçiliklə bitmir. Belə ki,qardaşlar Çexiyada bir neçə böyük pub bar və restoran da alıblar. Qeyd edək ki, Rəfail Mehralıyevin Çexiyadakı biznesini qardaşı Mübariz Mehrəliyev idarə edir” – deyə yayılan məlumatda qeyd olunur. O da bildirilir ki, qardaşların xaricdəki biznesi Çexiya ilə məhdudlaşmır və Türkiyədə də geniş biznes şəbəkəsinə malikdirlər. Bütün bu məlumatlar çox güman ki, yeni rəhbərliyin də diqqətindədir və yaxın günlərdə adıçəkilən məmurun və onun Azərbaycanda qeyri-qanuni milyonlar əldə etməsində əsas ortağı olan müavini Vidadi Əliyevin sonu yaxındır. 
Vidadi Əliyevin isə yol verdiyi nöqsanlar təkcə R.Mehrəliyevlə əlbirlik deyil, onun hələ köhnə başçının vaxtından Bakı RİH-lərdə öz adamlarını yerləşdirməsi də zaman-zaman müzakirə və narazılıq mövzusu olub. “Bu yolla onun da həddən artıq böyük varidata sahiblənməsi, özünü oliqarx kimi hiss etməsi nəinki vəzifədən olmasına, hətta cinayət məsuliyyətinə cəlb edilməsinə səbəb ola bilər” – deyə məlumatlı mənbə saytımıza bildirib.

Qarşı tərəfin mövqeyini verməyə hazırıq. 

Bənzər xəbərlər