Hesabat ilində aparılmış uyğunluq auditləri ilə əməyin ödənilməsi sahəsində yol verilmiş xarakterik nöqsanlara, dövlət qulluqçusu olmayan əməkdaşlara dövlət qulluğunun inzibati vəzifələri üzrə Əməyin ödənişi sahəsində nöqsanlara 14 uyğunluq auditində rast gəlinib.
Modern.az xəbər verir ki, komitənin iclasının gündəliyinə “Hesablama Palatasının 2022-ci ildə fəaliyyəti haqqında” hesabatı daxil edilib.
Hesabat ilində aparılmış uyğunluq auditləri ilə əməyin ödənilməsi sahəsində yol verilmiş xarakterik nöqsanlara dövlət qulluqçusu olmayan əməkdaşlara dövlət qulluğunun inzibati vəzifələri üzrə nəzərdə tutulan əlavələrin, mükafatların və müavinətlərin verilməsini, əmək müqaviləsinin qüvvəyə minmədiyi tarixlərdə və davamiyyəti olmayan əməkdaşlara əməyin ödənilməsini, müvafiq təhsil və ixtisas tələb edilən sahələrə digər ixtisasa malik və müvafiq təhsili olmayan şəxslərin cəlb edilməsini, əməyin ödənişi üzrə hesablanmış məbləğlərin şişirdilməsini, əməkhaqqı kartlarına əməyin ödənişi üzrə hesablanmış məbləğdən daha çox vəsaitin köçürülməsini, vəzifələrin həvalə edilməsi ilə bağlı tələblərə riayət edilməməsini, məzuniyyət haqqının düzgün hesablanmamasını və s. aid etmək olar.
Qeyd edək ki, Milli Məclisin iqtisadi siyasət, sənaye və sahibkarlıq komitəsinin bu gün keçirilən iclasında Hesablama Palatasının 2022-ci ildə fəaliyyəti haqqında Hesabatı müzakirə edilir.
