Fransa vətəndaşlarının 2023-cü illə gözləntiləri bədbindir.
Modern.az xəbər verir ki, bu barədə ölkənin “Elabe” sosioloji xidmətinin keçirdiyi sorğunun nəticəsində qeyd olunub.
Yanvarın 3-dən 4-dək 1000 nəfər arasında keçirilən sorğuya əsasən, sakinlərin əksəriyyəti 2023-cü illə bağlı olduqca bədbindirlər və bunun nə ölkə, nə də şəxsən onlar üçün əvvəlki ildən yaxşı olmayacağına inanırlar.
“Ölkə üçün respondentlərin 50 faizinin fikrincə, 2023-cü il daha pis olacaq, 33 faizi bunun nə daha yaxşı, nə də pis, 8 faiz isə daha yaxşı olacağına inanır. Özlərinə gəldikdə, 34 faiz hər şeyin daha da pisləşəcəyini gözləyir, 38 faiz nə yaxşı, nə də daha pis, yalnız respondentlərin 16 faizi hər şeyin yaxşılaşacağına ümid edir”, – sorğuda bildirilib.
Qeyd edək ki, respondentlərin əksəriyyəti sağlamlıq, pensiya və məhsul qiymətinin bahalığından narahatdır.
