Kaxovka Su Elektrik Stansiyasının bəndinin partladılması nəticəsində Xerson vilayətində subasma səbəbindən itkin düşənlərin sayı 29 nəfərə çatıb.
Modern.az bu barədə Ukrayna Daxili İşlər Nazirliyinin mətbuat xidmətinə istinadla xəbər verir.
Qeyd edək ki, Xerson vilayətində 46 yaşayış məntəqəsini su basıb, onlardan 32-si Ukraynanın nəzarəti altında olan, 14-ü isə müvəqqəti işğal edilmiş ərazidə yerləşir. Ukraynanın nəzarətində olan ərazilərdən 2699 nəfər təxliyə olunub.
Su Elektrik Stansiyasının partladılmasından sonra Nikolayev vilayətinin 31 yaşayış məntəqəsi su altında qalıb, 982 nəfər təxliyə olunub.
