Müəllimlər “Bilik Günü” aldığı hədiyyələri zibil yeşiyinə atdılar

Dünən Azərbaycanda yeni tədris ilinin ilk dərs günü idi. 1 525 016 şagird təhsil müəssilərinə dərsə getdi və təbii ki, onları öz müəllimləri qarşıladı.

Dünən dərsə gedən şagirdlərin bir çoxu gül buketləri də aparmışdılar, sevimli müəllimlərini yeni tədris ilinin başlanması münasibətilə təbrik etmək üçün…

Və həmin buketlər müəllimlərə verildi…

Amma təəssüf ki, şagirdlərinin gətirdiyi gül buketlərinə ağız büzən müəllimlər də oldu… Və elə bu səbəbədən də hövsələsizlik edib onlara təqdim olunan gül dəstələrini zibil qutularına tulladılar…

Halbuki, ən azı nəzakət xatirinə həmin buketləri evə apara, sonra heç kim görmədən ata bilərdilər… Amma bəziləri bunu etmədilər… Buketləri elə məktəbin yanındakı zibil qutusuna atdılar… Həm də hamının görə biləcəyi şəkildə, nümayişkaranə…

Yəqin ki, bəzi “pedaqoqlar” anlamadılar ki, hər valideyn üçün gül almaq asan məsələ deyil. Ən azı, bunu düşünməli və belə etməməliydilər…

Modern.az-ın məlumatına görə, sosial şəbəkədə paylaşılan bu şəkil müəllimlərin qınağa tuş gəlməsinə səbəb olub, onların adına xoşagəlməz söz gətirib… Təəssüf…

Bütün hallarda güllərin yeri zibil qutusu deyil…

Bunları etməklə bəzi müəllimlər hədiyyə kimi gül buketi hazırlayan valideynlərə açıq-aşkar bildiririlər ki, hədiyyə əvəzinə pul gətirin..Pul gətirin ki, özümüzə lazım olanı alaq.

Ya da ki, hörmətli valideynlər müəllimə hədiyyə almazdan əvvəl zəng vurub soruşun ki, nəyi çatmır onu alin. Onu alın ki, artıq israfa yol verilməsin. Onu alın ki, aldığınız güllər zibil yeşiyinə atılmasın.

 

Share: