Ermənistan parlamentinin sədri Alen Simonyanla Azərbaycan torpağındakı separatçı-terrorçu rejimin qanunsuz “qanunverici” orqanının qondarma rəhbəri Artur Tovmasyan arasında telefon danışığı olub.
Moderator.az xəbər verir ki, News.am-ın yaydığı məlumata görə, bu haqda Ermənistan parlamentinin mətbuat xidmətindən informasiya çatdırılıb.
Alen Simonyanın təşəbbüsü ilə baş tutan telefon danışığı zamanı o, separatçı “həmkarı”yla Qarabağdakı vəziyyəti müzakirə edib. A.Tovmasyan Ermənistan spikerinə “son günlərdə baş verən hadisələr haqqında ətraflı məlumat verib”.
“Həmsöhbətlər böhran nəticəsində yaranmış vəziyyətin birgə həlli yollarının tapılmasının parlamentlərarası imkanlarına toxunub”- xəbərdə belə deyilir.
Xatırladaq ki, bir müddət öncə erməni mediasında Qarabağdakı xunta rəhbərliyinin Laçın yolunun “bağlanması”ndan sonra
Ermənistan hökumət və parlament üzvlərinin Xankəndi ilə əlaqə saxlamamasından şikayətlənməsi haqda informasiyalar yayılımışdı…
S.Laçın
