Bakı Dövlət Universiteti (BDU) ilə Türkiyənin Eskişehir Texniki Universiteti arasında “Erasmus” mübadilə protokolu imzalanıb.
Bu barədə Moderator.az-a BDU-dan məlumat verilib.
Protokolu BDU-nun rektoru Elçin Babayev və Türkiyənin Eskişehir Texniki Universitetinin rektoru Adnan Özcan imzalayıb.
Protokol çərçivəsində təhsilalanların, o cümlədən tədqiqatçıların və akademik heyətin mübadiləsi nəzərdə tutulur.
Qeyd edək ki, əsası 2018-ci ildə qoyulmuş Eskişehir Texniki Universiteti Türkiyənin nüfuzlu universitetlərindən biridir. Eskişehir Texniki Universitetində beş fakültə, iki məktəb, dörd araşdırma mərkəzi fəaliyyət göstərir.
