Səudiyyə Ərəbistanı və Rusiyanın oktyabrda tədarük ixtisarını davam etdirəcəyi ilə bağlı narahatlıqlar fonunda Brent markalı neftin barel qiyməti 88,92 dollara yüksəlib.
Moderator.az xəbər verir ki, keçən həftənin cümə günü 84,48 dollardan bağlanan Brent markalı neftin barrel qiyməti əvvəlki həftəyə görə yüzdə 5,2 artaraq 88,92 dollara çatıb.
Beləliklə, Brent markalı neftin barel qiyməti ötən ilin noyabrından bu yana ən yüksək həddə çatıb.
Qərbi Texas tipli xam neftin barreli isə keçən həftənin bağlanışına görə yüzdə 7,7 artaraq həftəni 86,05 dollara başa vurub.
Rusiya Baş nazirin müavini Aleksandr Novak, Rusiya Prezidenti Vladimir Putin OPEC+ qrupu ilə dünənki görüşdən sonra verdiyi açıqlamada, tədarükün azaldılması ilə bağlı yeni saziş bağlamağa hazırlaşdığını açıqladı.
Səudiyyə Ərəbistanı iyulda başladığı və avqustda uzadılan gündəlik 1 milyon barellik azalma müddətini sentyabr ayını əhatə edəcək şəkildə uzadıb.
Digər tərəfdən, avqust ayında gündəlik neft ixracını 500 min barel azaldan Rusiya, könüllü olaraq neft ixracını azaltmağa davam edəcəyini və buna uyğun olaraq sentyabr ayında neft tədarükünü gündəlik 300 min barel azaldacağını açıqladı.
