BIGtheme.net http://bigtheme.net/ecommerce/opencart OpenCart Templates
Çərşənbə , Oktyabr 23 2019

Ofeliya Sənaninin səhhəti ilə bağlı SON DURUM


Ofeliya Sənaninin evə buraxılıb-buraxılmaması bugünkü müayinənin nəticəsindən asılıdır.

Bu sözləri Milletinsesi.az-a açıqlamasında Azərbaycanın xalq artisti, tanınmış diktor Şərqiyyə Hüseynova deyib. O, həmkarının həyatı üçün təhlükə olmadığını söyləyib:

“Dünən yanına getmişdim, çox şən və yaxşı görünürdü. Hazırda səhhəti yaxşıdır, kritik bir şey yoxdur, vəziyyəti stabildir. Qan təzyiqi tez-tez düşür. Ola bilsin ki, böyrəkləri ilə əlaqədar belə problemlər yaşanır. Ona görə də həkimlər böyrəklərinin müalicəsinə başlayacaq”.

S.Hüseynova xalq artistinin bu gün evə buraxılacağı ilə bağlı yayılan məlumatlara da münasibət bildirib:

“5-i və 6-sı həftəsonuna düşdüyü üçün dərindən müayinəsi bu gündən başlayacaq. Ola bilsin ki, bir-iki günə evə buraxılacaq. Onun infarkt olması təsdiqlənmir. Hər şey bu gündən asılıdır”.

Ş.Hüseynova Ofeliya Sənaninin uzun illər müalicə aldığını deyib:

“Ofeliya xanımın qan təzyiqi həmişə yüksək olub, cavanlıqda böyrəkləri xəstə olub. Həyat yoldaşı Valid Sənani həmişə ona dəstək olub. Sovetlər Birliyində elə bir səhiyyə ocağı olmayıb ki, Ofeliya xanım orada müalicə almasın.

Ümumiyyətlə, Ofeliya Sənani çox optimist insandır. O, həmişə ağrılarını zarafata salıb. Onun xəstəliyini ancaq həkimlər bilib”.

Qeyd edək ki, Azərbaycanın xalq artisti Ofeliya Sənani bir neçə gün əvvəl infarkt keçirib. O, ürəyin ön və arxa divarının infarktı diaqnozu ilə Kliniki Tibbi Mərkəzə yerləşdirilib.