Daxili İşlər Nazirliyi dünən Bakıda baş verən qətl hadisəsi ilə bağlı məlumat yayıb.
Milletinsesi.az nazirliyin mətbuat xidmətinə istinadən xəbər verir ki, oktyabrın 6-da saat 18 radələrində Biləcəri qəsəbə sakini N.Məmmədov Binəqədi rayonu ərazisində ailə-məişət münaqişəsi zəminində həyat yoldaşı Leyla Məmmədovanı bıçaqla qətlə yetirib. Binəqədi Rayon Polis İdarəsi 40-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində qəsdən adam öldürməkdə şübhəli bilinən N.Məmmədov saxlanılıb.
Faktla bağlı rayon prokurorluğu tərəfindən araşdırma aparılır.
Qeyd edək ki, hadisə avtovağzalın yaxınlığında, insanların gözü qarşısında törədilib.
