Tanınmış dj və teleaparıcı Yusif Ağayev növbəti doğum gününü qeyd edib.
Moderator.az-a özəl açıqlama verən məşhur, ad günlərini dəbdəbədən uzaq, ailəsi ilə birlikdə keçirməyi sevdiyini bildirib.
“Həmkarlarım dəbdəbəni, şan-şöhrəti sevir. Restoranlarda öz ad günlərini qeyd edərək, bir-biri ilə sanki bəhsə girərək bir az da qabartmağa çalışırlar. Mənim belə təntənəli şəkildə şadlıq keçirtmək imkanımın olmaması mənzil şəraitimlə əlaqəlidir. Kim bilir, bu yaşımdan sonra bəlkə mənim də geniş mənzilim olar, doğmalarımı çəkinmədən ətrafıma toplayaram. Həm də axı bir dəfə də qeyd etmişdim, səhər atamın dünyasını dəyişdiyi gün olaraq məzarını ziyarət edib, daha sonra əyləncəyə qatılmaq mümkün deyil. Ad günümü baldızımın evində qeyd etdik. Baldızımın evi mənə doğma, əziz, qapısını çəkinmədən aça biləcəyim bir yerdir. Ən əziz xatirələri bölüşdük, Allahın verdiyi dadlı təamları hazırladılar və sonda fotolardan da görürsünüz ki, nəvəm Bayram başıma nə oyun açdı…? (gülür). Xoşbəxtəm ki, qapısını döyə biləcəyim, bir masa ətrafında oturacaq əzizlərim, doğmalarım var. Məni təbrik edən hərkəsə minnətdarlığımı bildirirəm, nə yaxşı ki, varsınız” deyə o bildirib.
