Gürcüstanın Batumi şəhərində Türkiyə vətəndaşı narkotik vasitələrin qanunsuz dövriyyəsində təqsirli bilinərək saxlanılıb.
APA-nın yerli bürosunun xəbərinə görə, bu barədə Gürcüstan Daxili İşlər Nazirliyi məlumat yayıb.
Məlumatda bildirilib ki, 1973-cü il təvəllüdlü Türkiyə vətəndaşından 32 bağlama heroin aşkar edilərək götürülüb.
Faktla bağlı cinayət işi başlanılıb.
Günahı sübuta yetirilərsə, onu 6 ildən 20 ilədək həbs cəzası gözləyir.
