Növbədənkənar prezident seçkilərində səsverənlər arasında Əməkdar artist Ağalar Bayramov da yer alıb. Rəqs edərək səs verən sənətkarın görüntüləri sosial şəbəkədə böyük maraqla izlənilib.
Moderator.az-a danışan Ağalar Bayramov bu tarixin onun üçün əlamətdar gün olduğunu deyib.
“Bu gün səhər saat 10-da ailə üzvlərimlə birlikdə Suraxanı rayonu 30 saylı seçki məntəqəsində səsvermədə iştirak etdim. Rəqs edərək səs verdim. Bu gün mənim üçün də, millətimin 99 faizi üçün də bayramdır. Bayramda rəqs edərlər də. Bu gün Xankəndi də, Şuşa da, Laçın da, Cəbrayıl da, Suqovuşan da, Əsgəran da, ən əsası odur ki, Xocalı səs verir. Bundan böyük bayram olar?! Bu gün sevincimin həddi-hüdudu yoxdur. Səsimi qalib liderə vermişəm. Başqası var bəyəm?! Nə tez yadımızdan çıxdı 1992-ci ildə Milli Məclisinin kreslosunun arxasında siqaret söndürənlər, xalqı hərəsi bir yerə dartanlar?! Allah Ulu Öndər Heydər Əliyevə qəni-qəni rəhmət etsin. Dövləti caynaqlardan qorudu, inandığı oğlu İlham Əliyevə təhvil verdi. Ondan başqa kim seçimim ola bilərdi ki?! Yoldaşım da, gəlinim də, oğlum da, qızım da, qaynılarım da yekdilliklə ona səs verdik” deyə Ağalar Bayramov deyib.
