“Bu məktubu yazmaqda məqsədim budur ki, vətənpərvər olduğumu hamı bilsin. Mən vətən uğrunda canımdan keçməyə razıyam. İnşallah, işğal olunmuş Azərbaycan torpaqları düşmənin əlindən azad olunacaq. Mən əsgərlikdə şəhid olsam ağlamayın, əksinə, sevinin. Çünki şəhidlik zirvəsinə ucalacam. Haqqınızı halal edin! Oğlunuz Ağamoğlan”.
Hər kəsdən gizli saxladığı bu məktubu 44 günlük Vətən müharibəsi şəhidi Ağamoğlan Kərimov hələ 9-cu sinifdə oxuyarkən yazıbmış. 9-cu sinif şagirdinin 3 il sonrakı taleyini qələmə aldığını təbii ki, kimsə ağlının ucundan belə keçirməzdi. Ancaq Ağamoğlan şəhidlik məqamına ucalmağı ilə yanaşı, torpaqlarımızın da düşmən tapdağından azad olunacağını qələminin ucundan keçirmişdi…
O, bu gün təkcə ailəsinin fəxri deyil, hər bir kəsin qürur yeridir. Təbii ki, onun adını daşıyan küçənin sakinlərinin də… Şəhidin ailə üzvləri daim diqqət mərkəzindədir. Şəhid ailələri və qazilərə xüsusi münasibəti ilə fərqlənən SOCAR-ın “Azəriqaz” İB də Ağamoğlanın ailəsinin müraciətinə həssas yanaşaraq qısa müddətdə həllini reallaşdırıb.
Ətraflı video materialda:
