Türkiyə İsrailin NATO təlimində iştirakına veto qoyub.
Millətin Səsi.az xəbər verir ki, qərar təxminən iki həftə əvvəl NATO-nun təlimlərin koordinasiya qrupu ilə Bolqarıstanın alyans nümayəndə heyəti arasında keçirilən görüşdən sonra qəbul edilib.
İsrailin “Yediot Ahronoth” qəzetinə danışan İsrail rəsmisi, “Türkiyə bizim NATO təlimlərində iştirakımızla bağlı veto hüququndan istifadə etdi. Türkiyənin rəftarı NATO-nun tərəfdaşlıq maraqlarına və ittifaqın çətinliklərin öhdəsindən gəlmə qabiliyyətinə zərər verir”, deyə bildirib.
Türkiyəni veto hüququndan siyasi alət kimi istifadə etməkdə günahlandıran İsrail rəsmisi, “Türkiyənin münasibəti regional əməkdaşlığı və NATO-nun qlobal çağırışlarla mübarizə qabiliyyətini zəiflədir. Türkiyə birliyi və kollektiv təhlükəsizliyi təşviq etmək əvəzinə veto hüququndan istifadə edərək strateji tərəfdaşlıqlara zərər verir. İsrailin NATO ilə əməkdaşlığının qarşısını almaq sabitliyə kömək etmir, əksinə, bütün fundamental dəyərləri zəiflədir”, ifadələrini işlədib.
