“Barselona”nın futbolçusu Usman Dembele zədədən əziyyət çəkir.
Qol.az-ın “AS” nəşrinə istinadən yaydığı xəbərə görə, fransalı yarımmüdafiəçi sol ayaq əzələsində narahatlıq hiss edir. Ancaq Kataloniya klubunun bu informasiyanı gizlətməyə çalışdığı bildirilir. Bundan əvvəl “Barsa” Lionel Messinin zədələndiyi vaxt da eyni addımı atmışdı.
“AS” nəşri yazıb ki, Dembele Çempionlar Liqasında “Slaviya” ilə matçda zədələnib və məhz bu səbəbdən La Liqada “Levante”yə qarşı oynamayıb. Onun böyük ehtimalla, Praqa klubu ilə bu gün keçiriləcək ikinci görüşü də buraxacağı bildirilir.
