ABŞ-ın “Gerald R. Ford” təyyarədaşıyan gəmisi və onu müşayiət edən gəmilər Karib dənizindən Yaxın Şərqə göndəriləcək.
Millətin Səsi.az bildirir ki, bu barədə “The New York Times” NYT) mənbələrə istinadən xəbər verir.
Onların məlumatına görə, gəminin heyətinə Fars körfəzində Abraham Linkoln aviadaşıyıcısının rəhbərlik etdiyi zərbə qrupuna qoşulacağı barədə xəbərdarlıq edilib. Nəşr xatırladır ki, Cerald R. Ford ötən ilin iyununda Virciniya ştatının Norfolk limanından yola düşüb və oktyabrda Karib dənizinə yönləndirilib. Təyyarədaşıyan gəmi yanvarın 3-də Karakasa hücumda iştirak edib və onun yerləşdirilməsi artıq bir dəfə uzadılıb.
Qəzet qeyd edir ki, ekipaj martın əvvəlində bazaya qayıdacaqdı, lakin yenidən yerləşdirmə səbəbindən dənizçilər çox güman ki, aprelin sonu və ya mayın əvvəlinə qədər evə dönməyəcəklər. “The New York Times” əlavə edib ki, bu, gəmiyə lazımi planlaşdırılan texniki xidmətin də qarşısını alacaq.
