Ukraynalı keşiş Stepan Sus Ukrayna Yunan Katolik Kilsəsinin (UYKK) Ali Arxiyepiskopu Kuriyasının yepiskopu təyin edilib.
AZƏRTAC Ukrayna KİV-lərinə istinadla xəbər verir ki, oktyabr ayında 38 yaşı tamam olmuş keşiş dünyada ən gənc katolik yepiskop olub.
Stepan Sus 1981-ci il oktyabrın 7-də Lvovda anadan olub. Lvov Müqəddəs Ruh dini seminariyasında təhsil alıb. Lvov Quru Qoşunları Akademiyası nəzdində kapellan xidməti keçib. 2008-2012-ci illərdə UYKK-nin Lvov arxiyeparxiyasında hərbi qulluqçular üçün keşiş olub. 2012-ci ildə Lvov arxiyeparsiyasının hərbi qulluqçular, tələbələr və kimsəsiz uşaqların işləri üzrə sinkeli, habelə Lvovda Müqəddəs Pyotr və Pavel qarnizon kilsəsinin baş keşişi təyin edilib.
