“Göztəpə”dən ayrılan Eren Derdiyokun yeni klubu məlum olub.
Qol.az xəbər verir ki, 31 yaşlı hücumçu karyerasını Özbəkistanda davam etdirəcək. Türk əsilli isveçrəli futbolçu Şota Arveladzenin çalışdırdığı, son çempion “Paxtakor”la müqavilə bağlayıb. Bu barədə klubun saytı məlumat yayıb.
Qeyd edək ki, E.Derdiyok “Hoffenhaym”, “Bazel”, “Leverkusen”, “Qalatasaray” kimi komandaların da formasını geyinib.
