Fransada daha beş nəfərdə yeni növ koronavirusa yoluxma halı qeydə alınıb.
Bu barədə Fransanın Səhiyyə naziri Aqnes Buzan bildirib.
O qeyd edib ki, virusa yoluxanlar Böyük Britaniya vətəndaşlarıdır. Onlar bir müddət öncə Sinqapura səfər etmiş bir şəxslə təmasda olduqdan sonra virusa yoluxublar.
Yoluxanlardan birinin uşaq olduğunu qeydə edən Səhiyyə naziri onların vəziyyətinin ağır olmadığını bildirib.
Bununla da Fransada virusa yoluxanların ümumi sayı artıq 11-ə çatıb.
