MSK-nın iclasında 50 saylı Abşeron-Qobustan seçki dairəsi üzrə namizəd Əflan İbrahimovdan daxil olmuş şikayətə baxılıb.
Milletinsesi.az xəbər verir ki, MSK üzvü İlkin Şahbazov şikayətin qismən təmin edilməli olduğunu deyib və həmin seçki dairəsi üzrə 9 məntəqədə səsvermənin nəticələrinin ləğv edilməsini təklif edib.
MSK həmin seçki dairəsi üzrə 9 məntəqədə seçkinin nəticələrinin etibarsız sayılmasına dair qərar qəbul edib.
