Koronavirus epidemiyasına görə Almaniya Bundesliqasının oyunları da təxirə salınıb.
Qol.az xəbər verir ki, bu barədə məlumatı Almaniya Futbol Assosiasiyasının tvitter səhifəsi məlumat yayıb. Bundesliqa ilə yanaşı, millimizin üzvü Dmitri Nazarovun çıxış etdiyi “Erzgebirge”nin mübarizə apardığı 2-ci Bundesliqaya da fasilə verilib. Martın 17-dən aprel ayının 2-dək bu liqalarda oyunlar keçirilməyəcək.
Bu həftəsonu Bundesliqada keçiriləcək növbəti turun qarşılaşmaları isə boş tribunalar önündə oynanılacaq.
Qeyd edək ki, Almaniya ilə yanaşı Fransa Liqa-1 də də oyunlar dayandırılıb.
Bu haqda liqanın rəsmi saytında yayılan bəyanatda bildirilib. Qərar Fransa Prezidentinin ölkədə COVID-19 virusuna qarşı mübarizə çərçivəsində verdiyi sərəncama əsasən qəbul edilib. “Fransanın Peşəkar Futbol Liqasının Direktorlar Şurası Liqa 1 və Liqa 2-nin dərhal dayandılması barədə qərar qəbul edib” – deyə bəyanatda bildirilib.
Yarışın nə vaxt bərpa olunacağı barədə hələlik məlumat yoxdur.
