Əfqanıstanın paytaxtı Kabildə yaraqlılar Siqh məbədinə hücum edib.
“Al-Jazeera” kanalının verdiyi xəbərə görə, bu barədə Əfqanıstandakı Siqh azlığının parlamentdəki təmsilçisi Narindra Siqh Kalsa bildirib.
O qeyd edib ki, hücumun baş verdiyi məbədə yaxın olub və hadisə ilə bağlı məlumat alan kimi əraziyə gedib: “İkin məlumata görə, hücumda 3 və ya 4 nəfər öldürülüb, 150 nəfər yaralanıb”.
Əfqanıstan Daxili İşlər Nazirliyinin məlumatında isə qeyd olunub ki, hadisə yerinə təhlükəsizlik qüvvələri cəlb olunub və hazırda atışma davam edir.
