Gürcüstanda koronavirusa yoluxanların sayı 214 nəfərə çatıb.
Gürcüstanda yeni növ koronavirusa (COVİD-19) yoluxanların sayı 214 nəfərə çatıb.
Bu barədə Gürcüstan hökümətinin koronavirusla mübarizə çərçivəsində yaratdığı xüsusi internet saytında məlumat verilib.
Bildirilib ki, hazırda ölkə üzrə karantində 4559 nəfər saxlanılır, stasionar müalicədə isə 353 nəfər var. Virusa yoluxmuş şəxslərdən 50-si sağalıb, 3 nəfər isə vəfat edib.
Qeyd edək ki, Gürcüstanda koronavirusa ilk yoluxma halı fevralın 26-də təsdiqlənib.
