Gəncədə sərtləşdirilmiş karantin rejimi qaydalarını pozaraq fəaliyyətini davam etdirən çörək sexi aşkarlanıb.
Daxili İşlər Nazirliyinin Mətbuat Xidmətinin Gəncə Regional Qrupundan Milletinsesi.az-a verilən xəbərə görə, şəhərin Nizami rayonu ərazisində aşkarlanan sexin fəaliyyəti polis əməkdaşları tərəfindən dayandırılıb.
İşçilər və obyekt sahibi barəsində qanunamüvafiq tədbirlər görülüb.
Xatırladaq ki, Nazirlər Kabineti yanında Operativ Qərargahın qərarına əsasən, həftəsonu qadağaları olan şəhərlər siyahısında Gəncə də var.
