“Microsoft” korporasiyasının təsisçisi Bill Qeyts koronavirusa qarşı immunitetin yaranması üçün insana bir deyil, bir neçə doz vaksin tələb olunacağını bildirib.
Gununsesiaz.info xəbər verir ki, bu barədə milyarder “CBS News” telekanalına müsahibəsində deyib.
“Hazırda hansısa bir vaksinin bir dozadan sonra təsir göstərə biləcəyi görünmür. Lakin biz buna ümid edirdik”, – deyə Qeyts bildirib.
O, həmçinin ikinci nəsil olan başqa bir vaksinin gələcəkdə “təəccübləndirə” biləcəyini də istisna etməyib.
“Biz cəmi iki dozanın kifayət edəcəyinə ümid edirik. Lakin yaşlılara daha çox tələb oluna bilər”, – deyə Qeyts bildirib.
Qeyd edək ki, Bill və Melinda Qeytsin ÜST-ün ikinci ən iri donoru fondu COVID-19-la mübarizəyə 300 milyon dollar ayırıb. Fond dərman və vaksinasiya sahəsində tədqiqatları maliyyələşdirir.
