Azərbaycan yığmasının UEFA Millətlər Liqasının 2-ci turunda səfərdə Kiprlə oynayacağı matç üçün hakim təyinatları açıqlanıb.
Qol.az UEFA-nın saytına istinadən xəbər verir ki, qarşılaşmanı slovakiyalı hakimlər briqadası idarə edəcək.
Matçın baş hakimi Filip Qlova olacaq. Ona Peter Bednar və Frantişek Ferenç kömək edəcəklər. Dördüncü hakim funksiyasını isə Boris Marhefka yerinə yetirəcək.
Qeyd edək ki, sentyabrın 8-də keçiriləcək görüş Bakı vaxtı ilə saat 22:45-də start götürəcək.
