Ukrayna “Dinamo”sunun futbolçusu Kleyton ötən il Azərbaycan klublarının birindən təklif alıb.
Qol.az xəbər verir ki, bu barədə braziliyalı hücumçu ölkəsinin mətbuatına müsahibəsində deyib. O bildirib ki, ötən il bir çox ölkələrlə yanaşı, Azərbaycanda da oynamaq imkanı olub: “Azərbaycanla yanaşı, Birləşmiş Ərəb Əmirlikləri, Çin, Yaponiya, Cənubi Koreya və ABŞ-dan çoxlu variant təklif olunmuşdu. Amma hamısı qeyri-ciddi idi”.
25 yaşlı oyunçu yüksək səviyyədə futbol oynamağa davam etmək istədiyi üçün Kiyev təmsilçisini seçdiyini bildirib.
Qeyd edək ki, Kleyton ötən il “Atletiko Mineyro”dan “Dinamo”ya keçib.
