“Di-Si Yunayted”in hücumçusu Ueyn Runi karyerasını bitirdikdən sonra məşqçi olacağını açıqlayıb.
Qol.az Britaniya mətbuatına istinadən xəbər verir ki, 34 yaşlı futbolçu məşqçi kimi özünü sınamaq fikrindədir. O, futbolu sevdiyini və bu idman növündən ayrıla bilmədəyini deyib:
“Həyatımı futbolda keçirmişəm. Mən bu idman növünü sevirəm. Özümü baş məşqçi kimi sınamaq maraqlıdır. Uğur qazanacağıma ümid edirəm. Yüksək səviyyəli futbolçularla oynamışam, futbol barədə çox məlumatım var”.
Qeyd edək ki, İngiltərə millisinin sabiq üzvü bu mövsüm 13 oyunda 7 qol vurub, 3 məhsuldar ötürmə edib.
