Millinin Slovakiya ilə oyununu onlar idarə edəcək

Azərbaycan və Slovakiya milli komandaları arasında Bakıda keçiriləcək AVRO-2020-nin seçmə oyununu idarə edəcək hakimlər bəlli olub.

Milletinsesi.az xəbər verir ki, matç Con Bitonun rəhbərlik etdiyi şotlandiyalı hakimlər briqadasına tapşırılıb. Bitona yan xətt hakimləri Alan Mulvanni və Şon Karr köməklik edəcək. Dördüncü hakim funksiyasını isə Donald Robertson yerinə yetirəcək.

Qeyd edək ki, iyunun 11-də “Bakcell Arena”da keçiriləcək görüş saat 20:00-da başlayacaq. Azərbaycan millisi bu gün eyni stadionda Macarıstan kollektivi ilə üz-üzə gələcək. Həmin qarşılaşma da 20:00-da start götürəcək.

 

Share: