İyunun 12-nə olan operativ məlumata görə, ölkə ərazisində 235159 hektar ərazidə taxıl biçini aparılıb, 203507,7 hektar ərazidə arpa, 31651,3 hektar ərazidə buğda biçini başa çatıb.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən Milletinsesi.az-a bildiriblər ki, ümumilikdə, bu günədək ölkə üzrə 699511,7 ton taxıl yığılıb, orta məhsuldarlıq hər hektara 29,7 sentner təşkil edir.
Bərdə rayonunda arpa biçini başa çatıb. Kürdəmir rayonunda isə arpa biçini başa çatmaq üzrədir. Rayon ərazisində arpa əkilmiş 29926 hektar sahənin 28944 hektarı artıq biçilib. Rayonda arpa üzrə məhsuldarlıq 33,3 s/ha təşkil edir. Neftçala, Şəki, Biləsuvar, Sabirabad, Cəlilabad, Zərdab, Yevlax, Bərdə, Beyləqan, Samux, Goranboy, Qax, Masallı, Ağcabədi, Füzuli, Ağdam və Tərtər rayonlarında da arpa biçinində yüksək nəticələr əldə edilib:
| Rayon | Arpa sahəsi, ha | Biçilmiş sahə, ha | Məhsuldarlıq, s/ha |
| Neftçala | 31404 | 28315 | 25,1 |
| Şəki | 21626,3 | 12800 | 34,0 |
| Biləsuvar | 14900 | 13571 | 32,0 |
| Sabirabad | 9600 | 8799 | 37,7 |
| Zərdab | 5730 | 5205 | 30,5 |
| Yevlax | 5082,5 | 4600 | 29,0 |
| Cəlilabad | 4509,1 | 4210 | 35,2 |
| Bərdə | 2568 | 2568 | 31,0 |
| Beyləqan | 1765 | 1681 | 27,7 |
| Samux | 3544 | 2472 | 35,1 |
| Goranboy | 11500 | 7956 | 24,0 |
| Qax | 2881 | 2120 | 26,1 |
| Masallı | 2786 | 2269 | 18,1 |
| Ağcabədi | 5637 | 4530 | 30,0 |
| Füzuli | 8505 | 6642 | 30,5 |
| Ağdam | 2215 | 1489 | 36,3 |
| Tərtər | 3814,5 | 2495 | 33,1 |
Digər rayonlarda da arpa biçini qrafikə uyğun davam etdirilir.
Qeyd edək ki, bu il Azərbaycan ərazisində 1009139,8 hektar sahədə taxıl əkini aparılıb. Bunlardan 677793 hektarı buğda, 331346,8 hektarı arpa sahəsidir.
