AVRO-2024 turnirinin seçmə mərhələsinin püşkatma mərasimi keçirilib.
Modern.az-ın xəbərinə görə, Almaniyanın Frankfurt şəhərində təşkil olunan tədbirdə Azərbaycan millisinin də rəqibləri məlum olub.
Yığmamız seçmə mərhələnin 53 iştirakçısı sırasında yer alıb. 4-cü səbətdə qərarlaşan Azərbaycan millisi F qrupunda mübarizə aparacaq.
Canni de Byazinin yetirmələri Belçika, Avstriya, İsveç və Estoniya ilə mübarizə aparacaq.
Qeyd edək ki, 2023-cü ildə keçiriləcək seçmə mərhələdə qruplarda ilk iki yeri tutanlar AVRO-2024-ə vəsiqə qazanacaq.
