Ermənistanın baş naziri Nikol Paşinyan və Azərbaycan prezidenti İlham Əliyev Rusiyada görüşərək Rusiya prezidenti Vladimir Putinin iştirakı ilə üçtərəfli danışıqlar apara bilərlər.
Moderator.az xəbər veri ki, “Vedomosti”nin diplomatik mənbəsi görüşün başlanğıcı barədə məlumat yayıb.
Onun sözlərinə görə, işə Putinin oktyabrın 14-də MDB-nin Astanada keçirilən sammitində Ermənistanla Azərbaycan arasında ərazi mübahisələrini müzakirə edən barışdırıcı çıxışından sonra başlayıb.
“Vedomosti” başqa bir mənbəyə istinadla qeyd edir ki, bu cür danışıqlar oktyabrın son günlərində baş tuta bilər, onların keçirilməsi üçün əsas yerlər Moskva və Soçi hesab olunur. “Çox güman ki, seçim Soçinin üzərinə düşəcək”, o deyir.
Bundan əvvəl Astanada keçirilən MDB sammitində Putin Paşinyan və Əliyevi Rusiyaya görüşə dəvət etmişdi. Putin qeyd edib ki, bu, istənilən şəhər ola bilər: Soçi, Moskva, Sankt-Peterburq – “istənilən yerdə, istənilən vaxt”.
