Rusiya prezidenti Vladimir Putin və Ermənistan baş naziri Nikol Paşinyan arasında telefon danışığı olub.
Modern.az “Sputnik Armenia”ya istinadən xəbər verir ki, bu barədə Kreml məlumat yayıb.
Bildirilib ki, tərəflər Azərbaycan-Ermənistan sərhədində təhlükəsizliyin təmin olunmasını müzakirə ediblər. Həmçinin regionda nəqliyyat və iqtisadi əlaqələrin bərpa edilməsi, üçtərəfli bəyanatların yerinə yetirilməsi məsələsinə toxunulub.
Qeyd edək ki, bundan əvvəl Rusiya prezidenti Vladimir Putinlə Azərbaycan Prezidenti İlham Əliyev arasında da telefon danışığı olmuşdu.
