Ukrayna Prezident Ofisi rəhbərinin müşaviri Mixaylo Podolyak Rusiya-Ukrayna müharibəsinə ABŞ-ın münasibəti barədə paylaşım edib.
Modern.az xəbər verir ki, müşavir bu barədə tviter səhifəsində yazıb.
“ABŞ nəhayət baza prinsipləri fiksə etdi:
1. Rusiya məğlub olmalıdır.
2. “Psevdo-sülh qarşılığında torpaq” uzlaşması olmayacaq.
3. Ukraynaya lazım olan bütün hərbi yardımlar göstəriləcək.
4. Heç kim Rusiyanın “bizimlə danış” isterikası ilə maraqlanmır”, – deyə Podolyak bildirib.
Qeyd edək ki, Ukrayna prezidenti Volodimir Zelenski müharibə başlayandan bəri xaricə ilk dəfə səfər edərək ABŞ-a getmiş, ölkə başçısı Co Baydenlə görüşmüşdü.
