Artyomsol ərazisindəki desant bölmələrindən biri bir neçə gün ardıcıl olaraq, demək olar ki, tam mühasirədə rusların hücumu ilə mübarizə aparıb…
Silahlı qüvvələr atəş altında Soledar ətrafında düşmənin işğal etməyə çalışdığı mövqeləri tutur. İşğalçıların itkiləri minlərlədir.
Moderator.az xəbər verir ki, “TSN”-nin məlumatına görə, ruslar davamlı hücumlarda döyüş meydanından yaralılarını belə, götürmürlər.
Bu şəhərin müdafiəsinin baha başa gəldiyi yol kənarında aydın görünür; burada yaralı əsgərlərin dəbilqələri, gülləkeçirməz jiletləri qana bulanıb. Artilleriya partlayışları fonunda tibb briqadaları gecə-gündüz növbətçilik edirlər.
“Onları Baxmut və Soledardan gətirirlər. Üç gün vəziyyət gərgin idi, ondan əvvəlki üç gün sakitlik idi. Yüzdən çox yaralı var, lakin yaraları əsasən yüngüldür. Bunlar əsasən kontuziyalardır”,-deyə Ukrayna ordusunun Vadim adlı həkimi deyir.
Artyomsol ərazisindəki desant bölmələrindən biri bir neçə gün ardıcıl olaraq, demək olar ki, tam mühasirədə rusların hücumu ilə mübarizə aparıb.
“Bu istiqamətdə təxminən 20 min dustaq “vaqner”çi var. Yaxın atışma döyüşü, qumbaraatanlar, pulemyotlar, artilleriya, tank dəstəyi… İndi bu istiqamətdə əsas döyüşlər cəbhənin bu sektorunun əsas şəhəri olan Baxmutun cənubuna keçib. Raşistlər kiçik qruplarla şəhərin məhəllələrinə soxulmağa çalışırlar. Zabaxmutka rayonu ərazisi döyüşlərin getdiyi ən qaynar yerdir. Bu sahədə düşmən taktikası dəyişməzdir – dalğalarla hücum etmək. Birinci dalğa Ukrayna döyüşçülərinin atışlarından yerə səriləndə, növbətisi dərhal görünür… Minlərlə rus əsgərinin cəsədi hələ də çöllərdədir. Yaralılarını da təxliyə etmirlər, oralarda qalıb donurlar”, – desant birləşməsinin komandiri Anatoli belə deyir.
Sultan Laçın
