ABŞ-ın Tennessi ştatında polis tərəfindən vəhşicəsinə döyülərək öldürülən Tire Nikolsun döyüldüyü anların görüntüləri paylaşılıb.
Görüntülər üzə çıxandan sonra bir çox etirazçı Memfis, Boston, Atlanta, Sakramento, Vaşinqton və Nyu Yorkda küçələrə çıxıb.
Polis zorakılığına etiraz edən fəallar polis maşınlarına hücum edərək, onların şüşələrini sındırıblar.
Nyu-Yorkun məşhur Tayms Meydanında nümayişçi polis maşınının şüşələrinə təpik vuraraq sındırıb. Nyu York Polis Departamentindən verilən açıqlamaya görə, polis maşınına ziyan vuran 3 nəfər saxlanılıb. (müsavat)
