Türkiyə Böyük Millət Məclisinin (TBMM) Azərbaycanla dostluq qrupunun üzvləri Bakıya səfərə gəliblər.
Bu barədə Modern.az-a dostluq qrupunun üzvü, AKP-li deputat Yunus Kılıç məlumat verib.
Onun sözlərinə görə, nümayəndə heyətində 7 deputat təmsil olunur. Yunus Kılıç Azərbaycana səfərin 4 günlük nəzərdə tutulduğunu söyləyib.
Səfər zamanı bir sıra görüşlər keçiriləcək, aktual mövzular ətrafında fikir mübadiləsi aparılacaq.
Məlumata görə, Türkiyə nümayəndə heyətinin Qarabağa səfəri gözlənilmir.
