Qubada 19 yaşlı oğlanın ölümü ilə bağlı cinayət işi başlanılıb

Qubada 19 yaşlı oğlanın ölümü ilə nəticələn yol-nəqliyyat hadisəsi ilə bağlı cinayət işi başlanıb.

Rayon Polis Şöbəsində hadisəni törədən sürücü Vaqif Mamadova Cinayət Məcəlləsinin 263.2-ci (ölümlə nəticələn yol-nəqliyyat) maddəsi ilə cinayət işi qaldırılıb.

Qeyd edək ki, rayonun Hacıhüseyli kəndində Əliməmmədoba kəndi sakini, 2000-ci il təvəllüdlü Babayev Murad Azad oğlunu naməlum avtomobil vurub. Xaçmaz Mərkəzi Rayon Xəstəxanasına yerləşdirilən gəncin həyatını xilas etmək mümkün olmayıb.

Hadisəni törətməkdə təqsirli bilinən Xaçmaz rayon sakini Vaqif Mamadov saxlanılıb. (APA)

Share: