Azərbaycanın xarici işlər naziri Ceyhun Bayramov türkiyəli həmkarı Mövlud Çavuşoğlu ilə birlikdə Fövqəladə Hallar Nazirliyinin (FHN) Kahramanmaraş şəhərində yerləşən mobil səhra hospitalına baş çəkib.
Modern.az xəbər verir ki, XİN başçıları hospitalda yaradılmış şəraitlə tanış olublar.
Mobil səhra hospitalında xəstələrə göstərilən yardımla bağlı nazirlərə məlumat verilib.
Qeyd edək ki, Azərbaycanın xarici işlər naziri Ceyhun Bayramov Türkiyənin güclü zəlzələ baş vermiş Kahramanmaraş şəhərində səfərdədir.
