Türkiyə, Azərbaycan və Şimali Kipr “Tək ürək” adı altında yardım kampaniyasına başlayır.
Modern.az xəbər verir, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra bildirib.
O qeyd edib ki, hər üç ölkənin televiziyalarında ortaq yayımla həyata keçiriləcək kampaniya saat 20:00-da başlayacaq.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Zəlzələ ciddi dağıntılara səbəb olub.
