Qazaxıstanda qazıntı işlər aparan arxeoloqlar yaşları 16 və 17 olduğu düşünülən iki gəncin bir-birn qucaqlamış şəkildə dəfn edilmiş qalıqlarını tapıb.
Metbuat.az xarici mediaya istinadla bildirir ki, 4 min illik olduğu düşünülən məzarın içində qızıl və gümüşdən ibarət bir çox xəzinə də tapılıb.
Zəngin bir ailədən gəldiyi düşünülən gənclərin necə öldüyü araşdırılır. Gənclərin hər ikisinin əlində Günəşin simvolu olan bir boyunbağı olub.
Gənclərin məzarının yaxınlığında isə bir rahibəyə aid olduğu düşünülən başqa bir məzar, məzarın içində isə qazanlar tapılıb.
Həmin ərazidə yerləşən bir çox məzarın talan edilməsinə baxmayaraq içində qızıl və gümüşlərin olduğu məzarların soyulmaması diqqət çəkib.
