“Getdikcə daha çox böyük şirkətlər Orta Dəhlizə qoşulmağa çalışırlar və bu da layihəni daha da qazanclı və perspektivli edir”.
Bunu “Naval postgraduate school”un (ABŞ) professoru və Amerika Siyasi Elmlər Assosiasiyasının üzvü Brenda Şaffer Heydər Əliyevin anadan olmasının 100 illiyinə həsr olunan “Böyük Avrasiyanın geosiyasətinin formalaşması: keçmişdən bu günə və gələcəyə” mövzusunda beynəlxalq konfransda deyib.
O, həmçinin Cənub Qaz Dəhlizinin və Bakı-Tbilisi-Ceyhan neft kəmərinin, xüsusilə Avropanın enerji təhlükəsizliyinin təmin edilməsindəki rolunu qeyd edib.
Onun sözlərinə görə, Bakı-Tbilisi-Ceyhan neft kəməri əlavə ötürücülük qabiliyyəti ilə inşa edilib və böyük potensiala malikdir.
