Transfer çalışmalarını davam etdirən “Araz-Naxçıvan” daha bir futzalçı ilə anlaşıb. 
Millətin Səsi.az Azərbaycan Futzal Federasiyasının saytına istinadən xəbər verir ki, plkə çempionu Varqas Amenqual Andreunu heyətinə qatıb. Ampluası hücumçu olan braziliyalı forvardın son klubu vətənində “Horizontina” olub. 25 yaşlı oyunçu ilə anlaşma mövsümün sonuna qədər nəzərdə tutulub.
Qeyd edək ki, “Araz-Naxçıvan” buna qədər Rövşən Hüseynli, Xəzər Ağalızadə, Cavad Məmmədov, eləcə də braziliyalı Mateus Katatau, Vitao və Viktor Uqo Piresa ilə münasibətlərini rəsmiləşdirib. Əvəzində karyerasını başa vuran Rizvan Fərzəliyev, eləcə də müqaviləsi başa çatan Murilo Borges, Dmitri Bondarev və Maneka ilə yeni anlaşma imzalanmayıb. Komanda yeni mövsümün hazırlığına avqustun 10-da start verəcək.
