20-21 may tarixlərində Astara şəhərində qadınlar arasında 3×3 basketbol üzrə Dünya Qadın Seriyasının oyunları baş tutacaq.
Modern.az xəbər verir ki, 3×3 qadın milli komandamızla yanaşı ikisi klub komandası olmaqla ümumilikdə 12 komanda yarışda iştirak edəcək.
İştirakçı komandaları sizlərə təqdim edirik. Almaniya, Çin, Polşa, Misir, Çexiya, Macarıstan, Rumıniya, Ukrayna və Avstriya 3×3 qadın yığma komandaları, Çinin “Yuanda” və yerli təmsilçimiz “Neftçi” klubu da Dünya Qadın Seriyasında mübarizə aparacaqlar.
Qeyd edək ki, 3×3 basketbol üzrə Dünya Qadın Seriyasının oyunları Astara şəhər bulvarında keçiriləcək və CBC Sport telekanalı vasitəsilə basketbol sevərlərə təqdim olunacaqdır.
