Gürcüstanın U-21 millisinin baş məşqçisi Giorgi Tsetsadze Avro-2021-in seçmə mərhələsində səfərdə Azərbaycana 3:0 hesabı ilə qalib gəldikləri oyunu şərh edib.
Qol.az-ın AFFA-nın saytına istinadən yaydığı xəbərə görə, o, yaxşı oynadıqlarını və layiq olduqları qələbəni qazandıqlarını bildirib:
“Birinci hissənin sonunda qol vurmağımız fasiləyə yüksək əhval-ruhiyyədə yollanmağımıza şərait yaratdı. Həm buna qədər, həm də sonrakı dəqiqlərdə qol epizodlarımız oldu. Onu hansı dəqiqədə reallaşdırmağın fərqi yoxdur, vacib olan bunu bacarmaq və qələbə qazanmaqdır. Rəqib meydanda azlıqda qaldıqdan sonra üstünlüyümüzü artırdıq. Azərbaycan millisi yaxşı komandadır. Sadəcə, onlar 4 gün əvvəl məğlub etdikləri güclü Slovakiya ilə oyundan sonra yorğun idilər”.
