Türkiyə Superkubokunu yaxud da başqa oyunu Bakıda keçirmək bizim üçün yalnız faydalı ola bilər.
Modern.az xəbər verir ki, bunu “Beşiktaş”ın baş məşqçisi Şenol Güneş “Beşiktaş” – “Sabah” xeyriyyə oyunundan sonra keçirilən mətbuat konfransında deyib.
Dostluq matçı üçün Bakıya gəldiklərini deyən Şenol Günəş Azərbaycan xalqına təşəkkür edib: “Matç zamanı bütün oyunçulara şans vermək istədik. Belə qarşılaşmalar davamlı olmalıdır. Daha əvvəl verdiyimiz sözü bu gün həyata keçirə bildik. Azərbaycanın bütün komandalarına uğurlar arzulayıram”.
