17 yaşadək futbolçulardan ibarət Azərbaycan millisi Albaniyanın paytaxtı Tiranada keçirilən UEFA İnkişaf turnirinə qələbə ilə başlayıb.
Yığma Farer adalarını 4:2 hesabı ilə məğlub edib.
U-17-nin qollarına 50 və 90+3-cü dəqiqələrdə Əhməd Tarverdiyev, 85-ci dəqiqədə Ümid Səlimov, 90+5-ci dəqiqədə isə İslam İsmayılzadə imza atıblar.
Qeyd edək ki, Füzuli Məmmədovun yetirmələri növbəti oyunlarını mayın 4-də Albaniyaya qarşı keçirəcəklər. Görüş Bakı vaxtı ilə saat 19:00-da başlayacaq.
